U Dr.Donkupar Roy Dkhar,M.L.A,shella Constituency uba long ha kajuh ka por u Chairman ka Meghalaya State Planning Board u la plie pyrda ia ka Larsing Memorial Presbyterian Secondary School Mawsmai,Sohra kum u kongsan hynne ka sngi ha ka jingia -donlang U Bah Titos Chyne ,M.D.C ka Sohra uba long kum u Symbud kongsan.
Haba kren kum u kongsan ha kane ka jingialang,u Bah Donkupar u la iaroh ia ki nongpyniaid jong kane ka skul kiba la lah ban kyntiew ia kane ka skul kumba ka long mynta wat hadien 100snem ba la seng ia ka .U ong ba ka la dei ka por ba ngin pyrkhat ban seng noh da ki model schools lane ki skul kiba bha ha kane ka thain bad u khmih lynti ruh ba lyngba ki skhim ki ban ioh ha ki por ban wan , lehse , lah ban pynurlong ia kane ka jingthmu khnang ba ki khynnah kin lah ban iabeh bad kiwei ki skul kiba don ym tang hangne ha jylla wat shabar jylla ruh.U la pynpaw ia ka jingthrang ban kyntiew bad ban pynkylla ia ka Sohra kum ka educational centre ha ka ri baroh kawei.Namarkata u la kyntu ia ki nongshongshnong ban long kiba kloi ban pdiang ia ki khynnah pule kiba nabar jylla lada ka sorkar ka ibit ban wanrah ia ka Residential School ha kane ka thain.U khmih lynti ruh ba kane ka skul kan pynmih ia ki soh kiba bha tam ha kane ka jylla ba-roh kawei.
Haba kren kum u Symbud kongsan,u Bah Titos Chyne u la ong ba kane ka dei ka sngi kaba kmen ha kaba la ioh ban plie ia kane ka building ba thymmai kaba la ioh jing-iarap na ka CM scheme ha ka por ba long Chief Minister I Bah Donkupar Roy.Ha kajuh ka por u la pynpaw ia ka jingsngew nguh ia I Bah Donkupar iba la kloi ban ai jingiarap ia kane ka skul bad ban ai shuh ki jingiarap kiba donkam nangne shakhmat.U la ong ruh ba ngi donkam ia ki nongmihkhmat kiba iohi jngai na ka bynta ban seng ia ki skul kiba bha na ka bynta ka lawei ki khun ki kti .U la kyntu ruh ia ki nongshongshnong ban iatreilang na ka bynta ka jingbit jingbiang ka thain baroh kawei.
I Bah V.Nianglah,S.D.S.E.O,Sohra bad I Rev.R.Bareh,Secretary School Managing Committee ruh kila kren ha kane ka sngi.
La ioh ruh ia ka Welcome Song na ki khynnah pule jong kane ka skul.
Ia ka jingialang la pyniaid da I TBn.K.Khriam ,President School Managing Commit-tee iba la ai ruh ia ki kyntien pdiang sngewbha katba ia ki kyntien pynwai la ioh na I Bah P.Sohkhlet.La sdang bad pynkut ia ka jingialang da ka jingdwai. .
